अमळनेर:-(प्रतिनिधी)येथील सामाजिक कार्यकर्त्या, पत्रकार प्रा.जयश्री दाभाडे यांना निर्वाण फाउंडेशन तर्फे राज्यस्तरीय सवित्रीज्योति सन्मान 2022 जाहीर करण्यात आला आहे.
स्क्रूटिनी समिती मार्फत सर्व माहिती तपासून पाहिल्यानंतर आलेल्या नॉमिनेशन मधून वर्गीकरण करून राज्यातील उत्कृष्ट कार्य करणाऱ्या मान्यवरांचा केला जातो. पुरस्काराचे स्वरूप सन्मान चिन्ह,मानपत्र, आणि मानाचा फेटा असे आहे.सदर पुरस्कारांचे वितरण पुढील महिन्यात नाशिक येथे होणार आहे.
प्रा.जयश्री दाभाडे यांना जाहीर झालेल्या ह्या राज्यस्तरीय पुरस्काराने निश्चितच अमळनेर करांची देखील मान उंचावली असून अमळनेर चे नाव राज्य पातळीवर गेले आहे.प्रा.दाभाडे यांच्यावर अभिनंदनाचा वर्षाव होत असून राजकीय,सामाजिक, शैक्षणिक, पत्रकारिता क्षेत्रातून अभिनंदन केले जात आहे.
मला मिळालेला हा राज्य स्तरीय सावित्रीज्योति सन्मान निश्चितच अभिमानास्पद आहे.महात्मा फुले आणि सावित्रीबाई फुले यांच्या नावाने पुरस्कार आणि तेही सामाजिक क्षेत्रातील कार्याबद्दल मिळणे ही खूप अभिमानाची बाब आहे. महात्मा फुले आणि सावित्रीबाई फुले यांनी सामाजिक क्षेत्रात काम करतांना घेतलेले कष्ट आणि मेहनत मला आज खऱ्या अर्थाने कळत आहे.आणि अश्या दोन महान सामाजिक श्रेष्ठांच्या नावाने पुरस्कृत होणे यासाठी खूप मोठे भाग्य लागते.
*नुकतेच माझ्या घरी एका सावित्रीचा म्हणजे "साऊ" चा जन्म झाला आहे.हो माझ्या नातीचे नाव मी "साऊ" ठेवले असून याच कालावधीत सावित्री ज्योती सन्मान जाहीर होणे हा दुर्मिळ योगायोग आहे..*
*महात्मा फुले सावित्रीबाई यांना साऊ म्हणत असत...*
सतत कार्य सुरू आहे. गेल्या अनेक वर्षात मी माझ्या कार्यात उसंत घेतली नाही. पुरस्कारांनी जबाबदारी वाढते.अधिक काम करण्याची प्रेरणा मिळते.अर्थातच काम करत असताना अनेक अडचणी येतात पण पुन्हा अश्या पुरस्कारांमुळे नव्याने उत्साह निर्माण होतो. अमळनेर करांनी मला खूप प्रेम व सहकार्य दिले आहे.त्यामुळे मी कार्य करू शकते असेच सहकार्य असू द्यावे _प्रा.जयश्री दाभाडे...
